Қасым-Жомарт Тоқаев Германия Федеративтік Республикасына ресми сапармен барды,- деп хабарлайды newsroom.kz тілшісі ҚазАқпарат сайтына сілтеме жасап.
Федералдық канцлер Олаф Шольцпен келіссөздерден кейін тілшілерге берген баспасөз мәслихатында Президент Қазақстанның Ресеймен екіжақты тарапта және тиісті интеграциялық бірлестіктер шеңберінде тұрақты достық қарым-қатынаста екенін айтты.
«Қазақстан мен Ресей арасындағы шекараға келсек, ол өз уақытында делимитацияланған және айтарлықтай дәрежеде демаркацияланған, екі елдің парламенттері бекіткен және ратификациялаған. Сондықтан бізде Ресей территориялық тұрғыда талап қояды деген еш алаңдаушылық жоқ», - деді Қасым-Жомарт Тоқаев.