Сот басқа аймақтың тергеу изоляторының аумағында өтеді. Түркістан облысы Сарыағаш ауданындағы 5 жасар қыздың өліміне қатысты сот процесі басталды. Бұл туралы адвокат Талғат Есімов өзінің Telegram-арнасында хабарлады, деп newsroom.kz жазады inbusiness.kz. сайтына сілтеме жасап.
"Түркістан облысы Сарыағаш ауданында 5 жасар қыздың өлімі бойынша сот процесі басталды. Процеске қатысушылардың қауіпсіздігін қамтамасыз ету және үлкен резонансқа байланысты сот басқа аймақтың тергеу изоляторының аумағында өтеді", - делінген хабарламада.Айта кету керек, жантүршігерлік осы жылдың шілде айында болды. Сарыағашта жоғалған 5 жасар қыздың денесі ауыл тұрғындарының бірінің үйінен табылды. Мемлекет басшысы Қасым-Жомарт Тоқаев қайғылы оқиғаның мән-жайын мұқият тексеруді тапсырған болатын.