«Қазнетте бір жынысты адамдардың үйлену тойының видеосы тарады, онда некеге тұрғандардың бірі – «Қазақстан министрінің ұлы» деп жазылған. Бұл жалған. Видеоның Қазақстанға қатысы жоқ.», – деп stopfake.kz хабарлайды.
[caption id="attachment_71939" align="alignnone" width="570"]
Фото: stopfake.kz[/caption]
Бұл видео Желіде 2022 жылдың қараша айының басында шыққан. Оны Сирия мен Ливан қолданушылары таратқан. Түпнұсқа видеода қазақ тілінде емес, араб тілінде ән шырқалады.
Той үстіндегі видео - ссылкамен өтіп көріңіз
Ливан жаңалықтар порталдарының хабарлауынша, үйленіп жатқан адам сол елдің тумасы. Екінші некеге тұрған адамның кім екені белгісіз. Оның түрі видеода да көрсетілмейді.
Сондай-ақ жазуға назар аударғанымыз жөн – біздің елде «Қазақстан министрі» деген лауазым жоқ. ҚР Үкіметінің құрамына әртүрлі министрліктердің 19 министрі және бір Премьер-Министр кіреді.
Осылайша, бір жынысты адамдардың үйлену тойынан тараған видеоның Қазақстанға қандай да бір қатысы бар деуге ешқандай негіз жоқ. Алдымен ливандық қолданушылар жариялаған, ал ерлі-зайыптылардың жеке басы немесе ұлты белгісіз.
Фото: stopfake.kz