Тараз, Орал және Түркістан тұрғындары Атырауда интимдік массаж қызметін көрсетті, деп хабарлайды Newsroom+ақпарат агенттігі "Мой город" порталына сілтеме жасап.
"Олар Тараз, Орал және Түркістан қалаларының 26-44 жас аралығындағы тұрғындары. Олар Сәтпаев көшесіндегі көпқабатты үйлердің бірінен пәтер жалдап, интимдік қызмет көрсетті", - делінген хабарламада.Әйелдерге қатысты ҚР ӘҚБтК-нің 449-бабының 1-бөлігі "нәпсіқұмарлық сипаттағы қызметтер көрсету не өзге де қызметтер көрсету"бойынша әкімшілік хаттама толтырылды. Сонымен қатар, ҚР ӘҚБтК-нің 492-бабының 1-бөлігі "ҚР-да тіркеусіз немесе жеке басты куәландыратын құжаттарсыз тұру" бойынша әрқайсысына әкімшілік хаттамалар толтырылып, 10 мың теңге көлемінде айыппұл салынды. Сонымен қатар, пәтер жалдаудың заңдылығын тексеру мақсатында жиналған құжаттар Атырау облысының Мемлекеттік кірістер басқармасына жолданады.