Оқиға 6 қыркүйекте жергілікті уақыт бойынша сағат 14:00 шамасында болған. Boeing 767-300 жүк ұшағы Пуэрто-Рикодағы Сан-Хуан қаласынан Майамиге ұшып келіп, қону кезінде ұшу-қону жолағынан шығып кеткен.
Ұшақ бірнеше көлікпен соқтығысып, кейін өртенген. Құтқарушылар зардап шеккендердің кейбірін көліктердің ішінен шығарған. Оқиға орнына 60-тан астам өрт сөндіру және құтқару бөлімшесі, 200-ге жуық маман жұмылдырылды.
Апаттан кейін Майами әуежайындағы барлық ұшу-қону жолағы уақытша жабылып, рейстер тоқтатылды. Кейін әуежай жұмысы қайта жанданды, алайда ондаған рейс тоқтатылып, жүздеген рейс кешіктірілді.
Ұшақты Amazon-ның өзі емес, 21 Air компаниясы басқарған. Қазіргі таңда апаттың нақты себебі белгісіз. АҚШ-тың Федералдық авиация әкімшілігі мен Ұлттық көлік қауіпсіздігі кеңесі оқиғаны тергеп жатыр.
