АҚШ президенті Дональд Трамп әкімшілігін сыртқы саяси қақтығыстар жағдайындағы қадамдары үшін мақтады. Ол бұл туралы жұма, 4 қыркүйек күні Ақ үйде журналистерге айтты.
«Біз Венесуэланы бақылауға алдық және іс жүзінде Иранды да бақылауға алдық», – деді америкалық лидер.
Трамп өңірдегі соңғы америкалық соққыларды да тілге тиек етіп, Иранның радиолокациялық жүйесіне жасалған шабуылды бөлек атап өтті. Сонымен бірге ол әскери операцияларды жүргізуіне қатысты сын-пікірлерді жоққа шығарды.
«Маңыздысы – біз зор табысқа жеттік. Біз Иранға ядролық қару алуына жол берген жоқпыз», – деді ол.
Ақ үй басшысы Иранмен жалғасып жатқан әскери қақтығысты соғыс деп атауға келіспейтінін де айтты. «Біз үшін бұл — түк емес, ештеңе де емес», – деп қосты ол.
Трамптың мәлімдемелері осы аптада мұнай бағасының қайта көтерілуі аясында жасалды. Сонымен қатар, АҚШ-та дизель отынының бағасы биылғы ең жоғары деңгейге жеткені хабарланды.
