Олардың ішінде:
• 12 мыңнан астамы – Қарулы күштерге;
• 7 мыңы – Ұлттық ұланға;
• 3 мыңы – ҰҚК Шекара қызметіне;
• 400-ден астамы – Төтенше жағдайлар министрлігіне;
• 300-ге жуығы – Мемлекеттік күзет қызметіне жіберіледі.
Әскерге шақыру процесінде цифрлық технологиялар да кеңінен қолданылуда. «Цифрлық шақыру» жүйесі мен «Smart военкомат» жобасы арқылы әскери есепке қою, 17 жастағы азаматтарды тіркеу, сондай-ақ кейінге қалдыру немесе әскери қызметтен босату қызметтерінің бір бөлігі автоматтандырылған. Азаматтар әскери есепке қатысты ақпаратты eGov порталындағы жеке кабинетінен көре алады.
Қорғаныс министрлігі әскери қызмет кезінде сарбаздарға еңбек нарығында сұранысқа ие 20-ға жуық жұмысшы мамандығын тегін меңгеруге мүмкіндік берілетінін хабарлады. Олардың қатарында жүргізуші, байланыс маманы, парамедик және экскаваторшы сияқты кәсіптер бар.
Сонымен қатар әскери қызмет өткеру кезінде сарбаздардың несие төлемдерін кейінге қалдыруға, сондай-ақ ҰБТ тапсырмай мемлекеттік білім грантымен жоғары оқу орнына түсуге мүмкіндігі бар.
