Ресми билеттердің бағасы
Халықаралық футбол федерациясы (FIFA) финалдық матчқа арналған екінші санаттағы 1178 билетті сатылымға шығарды. Әр билет құны – 7380 АҚШ доллары.
Бұл орындардың барлығы алаңның қаптал сызығы бойындағы жоғарғы ярустың бес секторында орналасқан. Финалдық кездесу АҚШ-тың Нью-Джерси штатындағы Ист-Ратерфорд қаласында орналасқан MetLife стадионында өтеді.
Сонымен қатар жанкүйерлерге аренаның төменгі ярусындағы бірінші санаттағы 68 билет ұсынылған. Олардың бағасы 19 995 доллардан 32 970 долларға дейін.
VIP орындар бұдан да қымбат
Ең жоғары деңгейдегі жайлылықты қалайтын жанкүйерлер үшін FIFA Trophy Lounge VIP-аймақтарына билеттер ұсынады. Олардың құны 32 500 және 34 500 долларды құрайды.
Мұндай пакеттерге стадиондағы премиум орындар мен қонақтарға арналған қосымша қызметтер кіреді.
Қайталама нарықтағы бағалар рекордтық деңгейге жетті
Билеттерді қайта сатуға арналған FIFA-ның ресми платформасында финалға ең арзан билет бағасы 7440 доллардан басталады.
Ал ең қымбат ұсыныстың құны рекордтық деңгейге жетіп, 11 499 998 АҚШ долларын құрады. Осылайша, қайталама нарықтағы билет бағасы бірнеше мың доллардан шамамен 11,5 миллион долларға дейін өзгеріп отыр.
Мұндай бағалар әлемдік футболдың басты матчына деген жоғары сұранысты көрсетеді. Дәстүрлі түрде бұл кездесу ондаған мың көрермен мен миллиондаған жанкүйердің назарын аударады.
