Қазақстанда жүргізуші куәлігін алу ережелеріне өзгерістер енгізілуде. Жаңа тәртіпке сәйкес, емтиханды тапсыру санына шектеу қойылмайды. Дегенмен, әрбір қайта тапсыру арасында кемінде 10 күн үзіліс болуы қажет.
Сонымен қатар, емтиханның әділ өтуіне бақылау күшейтіледі. Микроқұлаққап, жасырын камера сияқты тыйым салынған құрылғыларды пайдаланған азаматтар 1 жылға дейін қайта тапсыру мүмкіндігінен айырылады.
Қазіргі уақытта үміткерлерге емтиханды 3 рет тегін тапсыру мүмкіндігі қарастырылған. Егер алғашқы екі әрекет сәтсіз болса, үшінші рет тапсыруға тек 30 күннен кейін ғана рұқсат беріледі.
