«Мен, АҚШ президенті ретінде, ондаған жыл бойы АҚШ-ты еш салдарсыз “пайдаланып келген” елдерге қатысты қолданыстағы 10 пайыздық жаһандық тарифті заң жүзінде мүмкін болатын ең жоғары деңгей — 15 пайызға дейін көтеремін», — деп жазды ол Truth Social әлеуметтік желісінде.
Президенттің айтуынша, шешім «дереу күшіне енеді». Ал алдағы айларда әкімшілік жаңа, заңға сай тарифтерді айқындап, енгізеді.
Сондай-ақ ол АҚШ Жоғарғы сотының жаһандық баждардың басым бөлігін жою туралы шешімін «абсурд, сапасыз әзірленген әрі америкалық мүддеге қарсы» деп атады.
Еске салайық, бұған дейін Жоғарғы сот Трамп енгізген бірқатар сауда тарифтерін заңсыз деп таныған соң, Ақ үй барлық елдерге 10 пайыздық бірыңғай баж салығын енгізген еді.
