Алдын ала мәлімет бойынша, жеңіл автокөлік қарсы бағытқа шығып кетіп, жолда келе жатқан фурамен бетпе-бет соғылған. Салдарынан Toyota Camry жүргізушісі мен оның үш жолаушысы оқиға орнында қаза тапты.
Полицияның хабарлауынша, жеңіл көлік Петропавлдан Көкшетауға қарай бет алған.
«Жеңіл автокөлік жүргізушісі мен үш жолаушысы қаза тапты. Аталған дерек бойынша қылмыстық іс қозғалды», — деп мәлімдеді СҚО полиция департаменті.
Айта кетейік, кеше тағы бір ауыр жол-көлік оқиғасы Алматы облысында тіркелді. Автокөлікте бес адам болған — медициналық университеттің төрт студенті және бір турист. Олар Шымкенттен Алматыға жол тартқан. Апат салдарынан Үндістанның екі азаматы ауруханада көз жұмды.
