Жақындарының айтуынша, ерлі-зайыпты 5 қараша күні тұрған жерлерінен шығып кеткен, содан бері олармен байланыс үзілген.
Ақбаян мен оның жұбайының жоғалуы уақыт жағынан отбасының басқа мүшелерінің жоғалуымен тұспа-тұс келеді. Бұған дейін хабарланғандай, Ақбаян бөлек тұрған. Ал ол жоғалғаннан кейін олардың бес кәмелетке толмаған баласы ата-анасыз қалып, туыстарының қарауына берілген. Балаларды қамқорлығына алған әжесі ата-ананың өз еркімен кетуіне сенбейтінін айтқан.
Полиция өкілдерінің нақтылауынша, қазіргі уақытта төрт адам ресми түрде іздеуде, ал тағы екі адамға қатысты мәліметтер тексеріліп жатыр.
Бұған дейін бұл отбасының "дәрігерге барамыз" деп бәрі бірдей жоғалып кеткені туралы хабарлағанбыз.
