Оның сөзінше, банктер ұсынған жылдық 20%-ға дейінгі табыстылықты қазірден бекітіп алу доллар курсына үміт артуға қарағанда әлдеқайда пайдалы.
«Егер қазақстандықтардың орнында болсам, доллар сатып алмас едім. Оның орнына жоғары табысты депозит ашып, мемлекеттік немесе корпоративтік бағалы қағаздарға ақша салған дұрыс. Ұзақ мерзімге жоғары табыс бекіту – доллар алудан көбірек пайда әкеледі. Өйткені келесі жылы доллар 600 теңге болады деу – екіталай», – деді Турлов.
Ол атап өткендей, депозиттер, мемлекеттік және корпоративтік облигациялар 500 теңге бағамен алынған доллардан артық табыс береді.
«Қазір қаражатты банкке салсаңыз, ірі банктер жылдық 20% ұсынып отыр. Қаржы министрлігінің теңгемен қарыз тартуы доллармен салыстырғанда көбірек екенін ескерсек, сіз 500 теңгелік доллардың орнына жылына 100 теңге пайыздық табыс аласыз. Бұл – әлдеқайда тиімді инвестиция», – деді кәсіпкер.
