Авторитетті медициналық басылымда: «Балалардағы гипертония бүкіл әлемде балалардың елеулі және жылдан-жылға артып келе жатқан бөлігін қамтып отыр», – делінген.
Зерттеушілер бұл үрдісті өмір салтының нашарлауымен және семіздіктің көбеюімен байланыстырады. Ғалымдар 443 914 баланың деректерін талдай келе, 2000–2020 жылдар аралығында балалар гипертониясының таралуы екі есеге жуық артқанын анықтаған: ұлдар арасында 3,4%-дан 6,53%-ға, қыздар арасында 3,02%-дан 5,82%-ға өскен.
Испания кардиология қоғамының президенті Игнасио Фернандес Лосано зерттеу қорытындылары мамандардың көп жылдан бергі бақылауын растайтынын айтады.
«Бұл – өте алаңдатарлық жағдай. Себебі біз балалар мен жасөспірімдердің жүрек-қантамыр жүйесі жылдан-жылға нашарлап бара жатқанын көріп отырмыз. Гипертония – негізінен ересектерге тән ауру. Оның жас балаларда байқала бастауы – өте қауіпті белгі», – деді ол.
Дүниежүзілік денсаулық сақтау ұйымының дерегінше, 2020 жылдың соңында әлемде 1,13 миллиард адам гипертониямен өмір сүрген. Олардың шамамен 40%-ы өз ауруы туралы білмейді, ал тек 10%-ы ғана ем қабылдайды.