Мемлекеттік сыйлықтың лауреаты Күләш Ахметованың отбасына Қазақстан Президенті Қасым-Жомарт Тоқаев көңіл айту жеделхатын жолдады.
«Өмірін сөз өнеріне арнап, ұлттық әдебиетіміздің көкжиегін кеңейтуге зор үлес қосқан Күләш Ахметованың шығармашылығы халықтың ыстық ықыласына ие болды. Оның лирикалық және патриоттық туындылары оқырман тарапынан жоғары бағасын алды. Өнегелі өмір сүріп, бай әдеби мұра қалдырған Күләш Ахметованың есімі мен жарқын бейнесі ешқашан ұмытылмайды», – делінген жеделхатта.
Күләш Ахметова 1946 жылы дүниеге келген. Ол өзінің шығармашылық жолын кеңес дәуірінде газетте жұмыс істей жүріп бастаған. Ақын өмір бойы 10-нан астам өлеңдер жинағын жарыққа шығарды.