Биылғы ашылу салтанатында Қазақстанның көк туын сурдо дзюдо спортынан еліміздің мақтаныштары, Қазақстан Республикасының спорт шеберлері, XXIV жазғы Сурдлимпиада ойындарының жүлдегерлері Айдос Түгелбаев пен Анна Краморова алып шығатын болады. Бұл – ел намысын әлем алдында асқақтататын зор мәртебе.
Салтанатты шара Астана уақытымен 12:30-да басталады. Жарыстың ашылу рәсімін тікелей эфирде тамашалау мүмкіндігі бар:
YouTube: @tokyo2025deaflympics
Telegram: @deaf2025tokyo – мұнда ойындардан жедел фотосуреттер жарияланып отырады.
Биылғы Сурдлимпиада ауқымы да айрықша: 81 елден 3000-ға жуық спортшы 21 спорт түрінен 209 дисциплина бойынша бақ сынайды. Қазақстан ұлттық құрамасы да бұл додада лайықты нәтиже көрсетуге ниетті. Ел намысын 78 спортшы 8 спорт түрінен қорғайды.
Токио төріндегі тартысты бәсекелер ел үмітін ақтап, жаңа жеңістерге жол ашары сөзсіз. Ақ жол, қазақ спортшылары!