«Snowfall Effect» немесе «қарлы көрініс» деп аталатын бұл эффект бейнеге қар жауып тұрғандай әсер береді. Көптеген авторлар үйдің сыртқы көрінісін, терезе маңын немесе жылы жарық түскен интерьерді түсіріп, оған қардың баяу жауған анимациясын қосады. Нәтижесінде бейне көрерменге ертегідей әсер қалдырады.
Бұл трендтің танымалдығының басты себебі – қарапайымдылығы мен эмоционалды әсерінде. Мұндай бейнелер көрерменге тыныштық, жылулық және ностальгия сезімін сыйлайды. Сонымен қатар, қысқы маусымның басталуымен адамдардың үйдегі жайлылыққа деген ұмтылысын көрсетеді.
Видеолар көбіне баяу әуенмен үйлесіп, «#snowfall», «#wintervibes», «#cozyhome» секілді хэштегтермен жарияланады. Психологтардың пікірінше, мұндай контенттің танымалдығы адамдардың ішкі тыныштық пен тұрақтылыққа деген қажеттілігімен тікелей байланысты.