2025 жылғы әл-Фараби атындағы ғылым мен техника саласындағы Мемлекеттік сыйлықтың лауреаттары:
🔹 «Қазақстан Республикасының гидрогеологиялық карталар атласы» атты ғылыми жұмысы үшін
Су және геоэкологиялық ресурстарды кешенді зерттеген ғалымдар тобы марапатталды:
- Малис Абсаметов – «У.М. Ахмедсафин атындағы гидрогеология және геоэкология институты» ЖШС директоры, геология-минералогия ғылымдарының докторы, профессор;
- Рахматулла Аязбаев – «АлматыГидроГеология» ЖШС бас директоры;
- Ержан Күлдеев – Қ.И. Сәтбаев атындағы Қазақ ұлттық зерттеу техникалық университетінің ғылым және корпоративтік даму жөніндегі проректоры, техника ғылымдарының кандидаты, профессор;
- Ермек Мұртазин – «У.М. Ахмедсафин атындағы гидрогеология және геоэкология институты» ЖШС ғылым жөніндегі директорының орынбасары, геология-минералогия ғылымдарының кандидаты;
- Владимир Смоляр – сол институттың аймақтық гидрогеология және геоэкология зертханасының бас ғылыми қызметкері, геология-минералогия ғылымдарының кандидаты.
🔹 «Түсті металлургияның жарамсыз шикізатынан маркалы селен өндірудің экологиялық қауіпсіз вакуум-термиялық технологиясын әзірлеу және өнеркәсіптік өндірісті ұйымдастыру» атты ғылыми жұмысы үшін
Металлургия қалдықтарын экологиялық таза әдіспен қайта өңдеу технологиясын жасаған ғалымдар ұжымы марапатқа ие болды:
- Бақдәулет Кенжалиев – «Металлургия және байыту институты» АҚ бас директоры – басқарма төрағасы, техника ғылымдарының докторы, профессор;
- Валерий Володин – «Металлургия және байыту институты» АҚ вакуумдық процестер зертханасының бас ғылыми қызметкері, техника және физика-математика ғылымдарының докторы, профессор;
- Ержан Оспанов – «Қазақмыс корпорациясы» ЖШС кешенді технологиялар мен инвестицияларды жоспарлау департаментінің директоры, техника ғылымдарының докторы;
- Сергей Требухов – «Металлургия және байыту институты» АҚ бас директорының орынбасары, жетекші ғылыми қызметкер, техника ғылымдарының кандидаты, профессор;
- Александр Шахалов – «Қазақмыс корпорациясы» ЖШС техногендік шикізатты кешенді қайта өңдеу басқармасының бастығы.
🏆 Мемлекеттік сыйлық — еліміздің ғылым мен инновация саласындағы ең жоғары марапаттарының бірі. Ол қазақстандық ғалымдардың кәсіби шеберлігін, ғылыми әлеуетін және елдің тұрақты дамуына қосқан үлесін танытады.