Министрліктің мәліметінше, өндірістік жарақаттардың басым бөлігі өнеркәсіптік аймақтарда тіркелген. Атап айтқанда, Қарағанды облысында – 103, Шығыс Қазақстанда – 89, Павлодарда – 68, Ақтөбеде – 64, ал Атырау облысында – 48 адам жарақат алған. Сондай-ақ Алматы қаласында 51 жағдай тіркелді.
Салалық тұрғыда ең көп оқиға тау-кен металлургия кешенінде (17,4%) және құрылыс саласында (10,2%) болған.
Жарақат алу себептерінің 34,2 пайызы — кәсіпорын тарапынан кеткен қателіктерге, 33,6 пайызы — жұмыскердің өз іс-әрекетіне байланысты. Сонымен қатар, еңбек қауіпсіздігі мен еңбекті қорғау ережелерін бұзу — 8,5%, ал жол қозғалысы ережесін бұзу — 7,8 пайызды құраған.
Министрлік дерегінше, өткен жылмен салыстырғанда биыл өндірістік жарақаттану деңгейі 3,4%-ға, ал соңғы бес жылда 6,7%-ға төмендеген. Еңбек министрлігі бұл бағытта оң үрдіс байқалғанымен, кәсіпорындарда қауіпсіздік мәдениетін күшейту әлі де өзекті екенін атап өтті.