Түркия Президенті Режеп Тайып Ердоған түркітілдес елдердің азаматтарына қатысты жаңа ереже бекітті. Енді қазақтар мен басқа да түркі елдерінің өкілдері Түркияда заңды түрде жұмыс істей алады және тұра алады.
Негізгі өзгерістер:
Бұған дейін шетелдіктердің жұмыс істеу рұқсатын министрлік беретін.
Енді бұл шешімді Президент Ердоғанның өзі қабылдайды.
Түркі елдерінен келген азаматтарға Түркияда жұмыс істеуге, тұруға және бизнес ашуға мүмкіндік берілмек.
Бұл жеңілдікке түркі тілінде сөйлейтін елдердің өкілдері – соның ішінде қазақтар, қырғыздар, өзбектер, әзербайжандар және түрікмендер кіреді.
Жұмыс істеу үшін не қажет:
Түркияда тұруға рұқсат алу;
Білімің мен кәсіби тәжірибеңді растайтын құжаттар (мысалы, диплом, еңбек өтілі);
Қауіпсіздік және заң талаптарын сақтау;
Түркияның арнайы тізіміне түркітілдес қауым өкілі ретінде тіркелу.
