– Қазіргі заманғы және дәлдігі жоғары әдістердің бірі – carrier screening деп аталатын генетикалық тест. Ол болашақ ата-аналардың жүздеген тұқым қуалайтын ауруларға — мысалы, муковисцидоз, бұлшықет атрофиясы, Х-хромосомамен байланысты әлсіздік синдромы сияқты дерттерге — тасымалдаушы екен-еместігін анықтайды. Сонымен қатар кариотиптеу әдісі де қолданылады, ол хромосомалық ауытқуларды анықтауға мүмкіндік береді, – деді депутат.
Магеррамовтың сөзінше, мұндай тексеру нәтижесінде адамның генетикалық коды анықталып, ондаған ауруға бейімділігі мен ата-аналардың генетикалық үйлесімділігі бағаланады. Сондай-ақ, ауыр дертпен туылу қаупін алдын ала есептеуге мүмкіндік туады.