Оқиға кешкісін қалалық әкімдік маңында болған. Куәгерлердің айтуынша, ер адам жолдан өтіп бара жатқан сәтте оны автокөлік соққан. Ол жолға құлаған сәтте үстінен тағы бір көлік өтіп кеткен, ал екінші жүргізуші оқиға орнынан қашып кеткен.
Павлодар облыстық полиция департаменті жол апаты туралы ақпаратты растады. Ресми мәліметке сәйкес, екі жүргізушінің де кім екені анықталып, ұсталған.
Қайтыс болған адам 57 жастағы Айдос Оразалин. Ол бұған дейін мәдениет бөлімін және қалалық су арнасын басқарған, соңғы жылдары Ақсу қалалық аумақтық сайлау комиссиясының төрағасы қызметін атқарып келген.