Кездесуге кімдер қатысты?
• ҚР СІМ Инвестициялар комитеті төрағасының орынбасары Сұлтанғали Кинжақұлов;
• «KAZAKH INVEST» ҰК» АҚ басқарма төрағасының міндетін атқарушы Айбол Арғынғазинов
• World Water Works компаниясының президенті Амареш Конаманени;
Тараптар Алматыда кәріз-тазарту нысанын жаңғырту бойынша бірлескен жобаны талқылады. Қазақстан тарапынан мегаполистің су бұру жүйесін жетілдіруге бағытталған жоспарын бөлісті. Ал World Water Works өкілдері АҚШ, Еуропа және Азиядағы ағын суларды тазартудың озық технологиясын таныстырды.
«Алматы үшін тазарту құрылыстарын жаңғырту және су бұру жүйесінің тиімділігін арттыру – басты басымдықтардың бірі. Бұл жобалар экологияға, алматылықтардың өмір сүру сапасына және қаланың дамуына тікелей қатысты. Біз World Water Works компаниясымен серіктес бола отырып, үлкен мүмкіндікке қол жеткіземіз. Заманауи технология енгізу арқылы ағын суларды тазарту деңгейін едәуір арттыра аламыз», – деді Дархан Сатыбалды.
Айта кетелік, World Water Works компаниясының президенті Амареш Конаманени ұйымның АҚШ, Канада, Мексика, Оңтүстік-Шығыс Азия мен Таяу Шығыста жобаларды сәтті жүргізіп жатқанын айтты. Енді олар Орталық Азия нарығына қадам баспақ.