Астанада Қазақстан президенті Қасым-Жомарт Тоқаев Иордания королі Абдалла II бен әл-Хусейнмен тар және кеңейтілген құрамда келіссөздер жүргізді. Сыпайы амандасудан кейін тараптар нақты мәселелерге көшті, бірақ егжей-тегжей көп айтылмады.
Басты тақырыптар:
- Сауда айналымын 500 млн долларға жеткізу жоспары талқыланды. Бұл мәселе бұған дейін Амманда өткен кездесуде де көтерілген еді.
- Қазақстан Иорданияға шикізаттан тыс өнімдер экспортын 250 млн долларға дейін ұлғайтуды көздейді.
- Көлік дәліздерін дамыту сөз болды. Әңгіме Орталық Азия мен Таяу Шығыс арасындағы тасымалдар жайында. Мұны Қазақстан ұсынып отыр.
- Фармацевтикадан бастап қорғаныс өнеркәсібіне дейінгі әртүрлі саладағы ынтымақтастық қарастырылды.
Уран мәселесі
Ақорданың хабарлауынша, Қасым-Жомарт Тоқаев «Қазатомөнеркәсіп» пен Иорданияның уран өндіруші JUMCO компаниясының атом саласында әріптестігін қолдайды. Алайда нақты келісімдер бұл жерде де шектелді. Айта кетейік, «Қазатомөнеркәсіп» — әлемдегі ең ірі табиғи уран өндіруші.
Қазақстан мен Иорданияны не жақындатады?
Екі елдің де АЭС құрылысына қызығушылығы бар. Қазақстан алғашқы станцияны Үлкенде салып жатыр, ал Иордания 2023 жылдан бері осындай жобаға ниет білдірген. Ол кезде ықтимал мердігерлер тізімі екі елде де ұқсас болатын.
Бірақ биыл көктемде Амман «Росатомның» қатысуымен ірі АЭС салудан бас тартты. Себеп — жоба құнының тым жоғары болуы. Оның орнына шағын қуатты реакторлар салу шешімі қабылданды.
Еске салсақ, биыл ақпанда Тоқаев ресми сапармен Амманда болып, Иордания королін Қазақстанға шақырған еді.