Жаңа сервис қандай артықшылық ұсынады?
40 экотакси: Қызметтің алғашқы кезеңінде жолаушыларды арнайы брендтелген 40 BYD Qin Plus электромобилі тасымалдайды. Бұл көліктер экологиялық жағынан тиімді әрі заманауи жайлылық талаптарына сай.
Интерактивті жүйе: Әр көлікке бағытты көрсететін және туристік ақпарат беретін интерактивті экрандар орнатылады.
Кәсіби жүргізушілер: Такси жүргізушілері арнайы дайындықтан өткен. Олар жолаушыларға терминалдан шыққан сәттен бастап сапалы қызмет көрсетуге дайын. Жақын арада бірыңғай киім үлгісі де енгізіледі.
Жылдам әрі әділ жүйе: Такси шақыру орта есеппен 5 минутты алады. Жолақы қаланың үш аймағына қарай белгіленген тұрақты тарифтер бойынша төленеді. Қосымша төлемдер жоқ. Төлемді банк картасы, терминал немесе QR арқылы жүргізуге болады.
Келесі кезеңдегі жаңалықтар:
Жыл соңына дейін автопарк 10 бизнес-класс көлігімен толығады.
Қазан айында әрқайсысы 14 жолаушыға арналған 4 шағын автобус іске қосылады. Олар инклюзивті талаптарға сай жабдықталып, жүк қоймасы да қарастырылады.
Almaty Airport Taxi — экология, технология және қызмет сапасын үйлестіретін жаңа буын қалалық сервистің үлгісі болуды мақсат тұтады. Жоба алдағы уақытта да дамып, Алматыға келген әрбір жолаушы үшін қолайлы әрі сенімді тасымал құралына айналмақ.