Оқиға вагон-мейрамханада болған. Кызылорда облысының 41 жастағы тұрғыны мас күйінде сыра құйылған бокалды вагон терезесіне лақтырып, әйнекті сындырған. Бұған себеп — қалаған сусынын ала алмағаны. Ер адам әкімшілік жауапкершілікке тартылды.
Осы бағыттағы пойыздан тағы бір мас азамат – Қызылорда облысының 31 жастағы тұрғыны түсірілді.Полиция бөліміне жеткізу кезінде ол тәртіп сақшыларының заңды талабына бағынбаған. Анықталғандай, ол бұған дейін де осындай құқық бұзушылықпен ұсталған.
Бұл жолы азамат бірден екі бап бойынша жауапқа тартылды:
– қоғамдық орында мас күйде жүруі және алкоголь ішуі,
– полицияға бағынбауы.
Сот шешімімен ол 4 тәулікке қамалды.
Көліктегі полицияның дерегінше, 2025 жылдың басынан бері пойыздардан 388 жолаушы түсірілген, олардың 359-ы — мас күйде жүргені үшін, 13 адам — ұсақ бұзақылық үшін, қалғаны — өзге заңбұзушылықтармен ұсталған.
