Белгілі актер өз сұхбатында Брюс Лимен алғашқы рет бір фильмде қалай бірге түскенін және ол сәттің мәңгі есінде қалғанын айтып берді.
«Мынау — Брюс Ли, ал мынау — мен. Неткен керемет естелік! Брюс Лимен бірге түскен алғашқы фильмде мен жапон актерінің дублері болдым. Ол мені алты рет ұрды. Мен құладым. Ол бірден жаныма келіп, мені тұрғызып, "Жарадың ба?" деп сұрады. Мен: "Сен амансың ба?" дедім. Ол: "Мен аманмын. Каскадёр әрқашан аман болады" деді», — деп еске алды Джеки.
Актердің айтуынша, Брюс Ли оны бірден танитын болған. Екінші фильмде тағы да бірге жұмыс істеген кезде Брюс Ли Джекиді саусақпен нұсқап: «Сен осыны жасайсың. Мен үшін жаса» деп сенім білдірген.
«Түсірілім кезінде бәрі шынайы болды. Ол мені таяқпен бетімнен ұрды — тарс! — мен жерге құладым. Бірақ бұл Брюс Ли еді. Мен каскадёр болдым — мені ұрып-соғу қалыпты жағдай», — дейді ол жымиып.
Джеки әсіресе бір ерекше сәтті жылы ықыласпен еске алады:
«Бір күні ол маған отельдің жанында келіп: “Қайда бара жатырсың?” деп сұрады. Мен: “Боулингке бара жатырмын” дедім. Ол: “Мен де барайыншы” деді. Ол тек менің артымда отырып қарады. Мен: ‘Ол менің оққағарым’ дедім. Ол тым қарапайым, үндемейтін, бірақ харизмасы зор адам еді».
Актер Брюс Лидің өмірден кенеттен кеткені өзіне қатты әсер еткенін айтады.
«Ол артына бұрылып, бірдеңе айтқысы келгендей болды, бірақ тек жымиып, кетті. Бірнеше айдан кейін ол қайтыс болды. Бұл мен үшін үлкен соққы болды», — дейді Джеки Чан.