СІМ мәліметінше, 109 қазақстандықты эвакуациялау қамтамасыз етілді.
"Эвакуация аймақтағы достас мемлекеттердің аумақтары арқылы транзиттік жолмен жүзеге асырылды, атап айтқанда, Ираннан Түркіменстан арқылы 89 адам, Әзірбайжан арқылы 20 адам шықты. Барлық эвакуацияланғандарға консулдық-құқықтық көмек көрсетіліп, олардың отанына оралуы үшін қажетті жағдай жасалды".
Қазақстан Республикасы Сыртқы істер министрлігінің баспасөз қызметі
Сыртқы істер министрлігі Иран, Түрікменстан және Әзірбайжан билігіне қазақстандықтардың бүкіл бағыт бойынша қауіпсіз және уақтылы қозғалысын қамтамасыз етуде шешуші рөл атқарған көмегі мен сындарлы өзара іс-қимылы үшін алғысын білдіреді.
Эвакуациялық іс-шараларды дайындау және жүзеге асыру барысында қазақстандық дипломаттар тәулік бойы жергілікті атқарушы органдармен іс-қимылдарды үйлестірді, маршруттық логистиканы қамтамасыз етті, жергілікті атқарушы органдармен өзара әрекеттесті және жергілікті жердегі отандастарға қажетті қолдау көрсетті.