Ұлттық банк мәліметіне сүйенсек, мамыр айының қорытындысы бойынша теңге бағамы сәл ғана — 0,3 пайызға нығайған. Ай соңында АҚШ долларының бағасы 510,82 теңге болды. Сауда көлемі азайды.
Ал Ұлттық қордан бір айда 988 млн доллар сатылып, республикалық бюджетке трансферт ретінде жұмсалды. Бұл — жалпы валюта сатылымының 22 пайызы. Маусымда Ұлттық банк қордан 700–800 млн доллар аралығында валюта сатуды жоспарлап отыр.
Мамыр айында БЖЗҚ (ЕНПФ) қажеттіліктері үшін 250 млн доллар сатып алынған. Маусымда да осындай көлемде валюта алынады деп күтілуде.
Бұған дейін 2025 жылдың алғашқы үш айында Ұлттық қордан шамамен 1,5 трлн теңге жұмсалғаны белгілі болды. Халықаралық валюта қоры Қазақстанда бюджет тапшылығы ұлғаяды деп болжағанын ескерсек, бұл сома алдағы уақытта айтарлықтай артуы мүмкін.