2 сәуір күні таңертең әлеуметтік желілерде "Солнечный" шағынауданында жас жігіттің үсіп қайтыс болғаны туралы ақпарат тарады. Алдын ала мәлімет бойынша, ол ұрлық жасады деген күдікке ілініп, қашу барысында ескі арнаның мұзды суына түскен. Жас жігіт біраз уақыт суық суда жасырынып, ақыры қатты тоңған.
Полиция департаменті: күдіктінің денесінде зорлық белгілері жоқ
Солтүстік Қазақстан облысы полиция департаментінің баспасөз қызметі жігіттің қайтыс болғанын растады, бірақ оқиғаның егжей-тегжейін ашып айтқан жоқ.
"2 сәуірге қараған түні жедел жәрдем көлігінде 21 жастағы Петропавл тұрғыны қайтыс болды. Ол 'Солнечный' елді мекені маңында табылған. Денесінде зорлық белгілері жоқ. Қазіргі уақытта оқиғаның барлық мән-жайын анықтау үшін тергеу жүріп жатыр", – делінген полиция хабарламасында.
Дәрігерлер: жігіт жедел жәрдем келгенге дейін көз жұмған
СҚО жедел медициналық жәрдем орталығының директоры Юрий Белоногтың айтуынша, жігіт жедел жәрдем жеткенге дейін қайтыс болған.
"Біз жеткен кезде оның жүрек соғысы мен тыныс алуы тоқтаған еді. Денесінің қатты тоңғаны байқалды. Реанимациялық шаралар жасалды, алайда нәтиже болмады. Биологиялық өлім тіркелді. Ол жедел жәрдем көлігінде қайтыс болған жоқ", – деді Белоног.
Қазіргі уақытта оқиғаға қатысты тергеу амалдары жүргізілуде.