- Жалпы ҰБТ-ға дайындық барысы қалай өтті?
Дайындықты 10-сыныпта бастадым. Сол жылы жазда IELTS емтиханын 6,5-ке тапсырдым. Бұл ҰБТ-да маған ағылшын пәні бойынша 50 балл берді. Қаңтарда 123 балл жинадым. Осы наурызда 140 балл алдым. Өзімнің еңбегім деп санаймын. Себебі күні-түні дайындалдым. Кітапқа өте көп көңіл бөлдім. Соның арқасы деп ойлаймын.
- Таңдаған мамандығыңыз жайында айтып өтсеңіз?
Таңдаған мамандығым- халықаралық қатынастыр. Жалпы, 8-сыныптан бастап осы сфераға қызықтым. Сол кезде мен осы аренада жұмыс істеймін деген мақсат пайда болды.
- Болашақ мектеп түлектеріне ҰБТ және мамандық таңдау бойынша қандай кеңес берер едіңіз?
Көп түлектер ата-анасының қалауымен мамандық таңдап жатады. Мұны дұрыс емес деп есептеймін. Бірінші ата-ана өз баласының не қалайтынын білуі керек. Әр бала жүрегіне жақын мамандықты таңдау керек деп ойлаймын. Дайындық бойынша түлектерге айтарым, күні-түні дайындалсын деп кеңес беремін. Меніңше дайындықты 10-сыныптан бастау керек.
- Сұхбаттасқаныңызға рақмет!
Айта кетелік, Жанболат көпбалалы отбасынан (5 бала) шыққан. Жанболат үйдің үлкені. Әкесі – көлік жүргізеді, анасы – аспазшы. Мүлде ұшаққа отырып көрмеген Жанболат бірінші рет Алматыдан - Астанаға келді. Оны мұнда ҰБТ-ға дайындайтын «Тарих мектебінің» ұжымы күтіп алып, арнайы сыйлықтарын табыстады.