Қуанышты жаңалығын ерлі-зайыптылар әлеуметтік желіде бөлісіп, сәбиімен бірге түскен суретін жариялады. Кадир Доғулу өз парақшасында баласының қолынан ұстап тұрған әсерлі фотосын жүктеді.
«Қош келдің, менің ұлым Азиз!» – деп жазды Неслихан Атагүл.
Айта кетейік, Неслихан Атагүл мен Кадир Доғулу 2016 жылы шаңырақ көтерген. Өткен жылы шілде айының соңында актриса жүктілігін растағанымен, бастапқыда бұл жаңалықты құпия сақтауды қалаған.
«Біз бақыттымыз, бәрі жақсы!» – деп бөліскен еді ол сол кезде.
Азиздің дүниеге келуі – жұп үшін көптен күткен ерекше сәт. Неслихан Атагүл жүктілік кезінде өзінің әсерлі сезімдерімен жиі бөлісіп, әсерлі суреттер жариялап отырған.
«Мен өте бақыттымын! Күйеуіммен, отбасыммен және асыға күткен сәбиімізбен бірге болу – баға жетпес сезім», – деп жазған болатын актриса.