Тергеу барысында күдіктінің вейптерді курьерлер арқылы әртүрлі мекенжайларға жеткізіп отырғаны анықталды. Полиция қызметкерлері қаладағы дүкендердің біріне тінту жүргізу барысында арнайы қойма тапты. Қоймада шамамен 3 мың дана вейп сақталған. Тәркіленген тауардың жалпы құны 40 миллион теңгеден асады.
Қазіргі уақытта аталған факті бойынша қылмыстық іс қозғалып, тергеу амалдары жүргізіліп жатыр. Полиция бұл оқиғаға қатысты қосымша деректерді анықтауда. Заңсыз өнімнің қайдан жеткізілгені және кімдермен байланыста болғаны тергеу барысында белгілі болады.
Құзырлы органдардың мәліметінше, вейптерді сақтау мен сатуға заңмен тыйым салынған. Сондықтан азаматтардан мұндай заңсыз саудаға қатыспауға және кез келген күмәнді әрекеттер туралы құқық қорғау органдарына хабарлауға шақырады.
Еске салайық, соңғы уақытта елімізде вейп өнімдеріне тыйым салу және олардың заңсыз айналымына тосқауыл қою жұмыстары күшейтілген болатын.