Ресей Федерациясының президенті Владимир Путин Солтүстік Кореядағы ең үлкен хайуанаттар бағына 70-тен астам жануар сыйлады. Оның ішінде арыстандар мен екі қоңыр аю да бар. Бұл туралы Newsroom.kz тілшісі хабарлайды.
Бұл жағдайды Москва мен Пионганның арасында дамып келе жатқан қарым-қатынастың айқын көрінісі ретінде қарастырсақ болады.
Ресей Федерациясының Табиғи ресурстар және қоршаған ортаны қорғау министрі Алесандр Козлов бұл жануарларды жүк ұшағымен Солтүстік Кореяға жібергені туралы ақпаратты өзінің Telegram-арнасында жариялаған еді.
Осыған дейін, РФ президенті Владимир Путин Солтүстік Корея басшысы Ким Чен Ынға 24 асыл тұқымды жылқыны сыйға тартқан болатын.