Испанияның оңтүстік-шығысында су тасқынынан кем дегенде 13 адам қаза тапты деп хабарлайды, - newsroom.kz dw.com ақпараттық агенттігіне сілтеме жасап.
Сонымен қатар Испан БАҚ-тың хабарлауынша, кейбір аймақтарда 24 сағат ішінде айлық нормадан артық жауын жауған. Қатты жауын-шашын Иберия түбегінің оңтүстік және шығыс бөлігінен өткен суық фронттың салдарынан болды. Тасқын алғашқы сағаттардан-ақ күрделі мәселелер туғызды, сондықтан ең көп зардап шеккен аймақтардағы билік өкілдері тұрғындарды үйде қалуға және қажетсіз қозғалысқа шықпауға шақырды.
Испания премьер-министрі Педро Санчес X әлеуметтік желісінде «соңғы сағаттардағы дауыл салдарынан жоғалған адамдар мен келтірілген залал туралы хабарламаларды алаңдаушылықпен қабылдап отырғанын» және азаматтарды билік нұсқауларына бағынуға шақырғанын жазды.
Испаниялық TVE телеарнасының мәліметінше, полиция су тасқыны салдарынан кем дегенде 13 адамның қаза болғанын хабарлады. Валенсия аймағында төрт бала қайтыс болып, алты адам әлі де із-түзсіз жоғалған.
