Қазақстанның бірінші, әлемнің төртінші ракеткасы Елена Рыбакина Париж Олимпиадасына қатысудан бас тартты. Федерация спортшы бронхитпен ауырып қалғанын мәлім етті. Дегенмен спортшы алдағы күндері Канададағы жарысқа қатыспақ,-деп хабарлайды newsroom.kz
«Рыбакина 2024 жылы бірнеше жарысты соңына жеткізбей орта жолдан аяқтады. Көбінесе, денсаулығына байланысты. Олимпиададан бөлек, Индиан-Уэллс, Рим, Истборн турнирлерінде ауырып, кортқа шыға алмады. 25 жастағы теннисші соңғы рет Уимблдон турниріне қатысып, жартылай финалда Барбора Крейчиковадан жеңілді. Енді ол Солтүстік Америкадағы хард турнирлеріне қатысады. 6 тамызда басталатын Торонтодағы National Bank Open турнирінде бақ сынайды», - деп жазды tennis.com сайты.