Алматы сотында Рахат Тұрлыхановтың ісі қайта қаралады, - деп хабарлайды newsroom.kz порталы tengrinews.kz-ке сілтеме жасап.
10 қаңтарда сотқа апелляциялық шағым түскен.
Алматы прокуратурасы Tengrinews.kz тілшісіне ақпаратты растады.
"Алматы Әкімшілік істер жөніндегі мамандандырылған ауданаралық сотының шешіміне Түрксіб ауданының прокуроры қарсылық білдірді", - деп хабарлады ведомство.
Айта кетейік, бұған дейін әлеуметтік желілерде Рахат Тұрлыхановтың бес тәулікке қамауға алынғаны туралы ақпарат пайда болған еді.
Соттың баспасөз қызметі мәліметінше, материал әлі қаралған жоқ.
"Қарағаннан кейін хабарлаймыз", - деп қысқаша жауап берді соттың баспасөз қызметі.