Шымкентте 73 және 68 жастағы жергілікті тұрғындар алаяқтықтың құрбаны болды,-деп хабарлайды newsroom.kz.
Екі жағдайда да белгісіз әйел үйді сатып алу үшін, көруге келген.
Жалған сатып алушы екі қарияға үйлеріне дуа салынғанын айтып, оны жою үшін ақша талап еткен.
Тазарту рәсімін өткізу үшін ол алтын мен "қараңғы бөлмедегі қаралы күнге жинаған ақшаны" сұраған. Келтірілген жалпы шығын көлемі – 600 мың теңге.
Қала тұрғындары есін жинаған бойда дереу полицияға хабарласып, болған жайды жеткізді. Жәбірленушілердің айтуынша, күдікті гипнозды қолданған, өйткені олардың өздері мұндай алаяқтыққа қалай түскенін түсінбейді.
Күдіктіні Еңбекші аудандық полиция басқармасының жедел уәкілдері ізін суытпай ұстады. Бұған жедел басқару орталығының камералары көмектесті. Ұсталған азаматша мегаполисте алаяқтық жасауға бел буған Алматы қаласының тұрғыны болып шықты.
Ол өзінің құрбандарын тек егде жастағы, сенгіш азаматтардың арасынан таңдап алған. Шымкент полицейлері алаяқтардың мұндай айласына түсіп қалмас үшін тұрғындарға бейтаныс адамдарға сенбеуге, бағалы заттарына абай болуға кеңес береді.