Әйелдерге қатысты зорлық-зомбылық – заманымыздың ең маңызды әлеуметтік мәселелерінің бірі
Тұрмыстық зорлық-зомбылық мәселесі қазақстандық отбасылар арасында өршіп тұр. Билік те, қоғам да ер адамның әйеліне қол көтеруін олардың жеке мәселесі деп есептейді. «Отан отбасынан басталады». Осындай іс-әрекеттерге жайбарақат қарау резонанстық қылмыстар мен құрбандардың көбеюіне әсер етеді, деп newsroom.kz хабарлады Elorda.info сайтына сілтеме жасап.
Бұл туралы «Жаңа Адамдар» жастар қозғалысының баспасөз қызметі мәлім етті.
15 мамырда халықаралық Отбасы күніне орай «Жаңа Адамдар» «той көйлегі» атты арт-нысан – қалыңдықтың әсем киім үлгісін таныстырды. Оған сублимация әдісімен соңғы сенсациялық жаңалықтары бар БАҚ-тағы мақалалар жазылды. Яғни еліміздегі әйелдерге қатысты зорлық-зомбылық жағдайлары туралы. Арт-нысанның жанында психолог-сарапшылардың тұрмыстық зорлық-зомбылық оқиғаларын тану, оларға қарсы тұру және алдын алу бойынша практикалық кеңестері бар арнайы карточкалар орнатылды.
Біз отбасылық зорлық-зомбылықтың қоғам назарынсыз қалмауын және жасырын қылмыстан жазасын өтейтін қылмыс болуын қалаймыз. Ұру – бұл махаббат емес. Ұру – қылмыстық іс! Біз әйелдерге қатысты зорлық-зомбылық біздің заманымыздың ең маңызды әлеуметтік мәселелерінің бірі деп санаймыз. Мұндай жағдайлардың әрқайсысы әйелдердің құқығын бұзу ғана емес, оның өміріне тұтастай қауіп төндіру. Қоғам бұл мәселе бойынша кінәлілерді жазалауды талап етуі керек. Әйелдердің құқықтарын құрметтемей және қорғамай, біз жаңа және әділ Қазақстан құра алмаймыз, - дейді жастар қозғалысының мүшесі Ғазиза Ұлықманова.
