Турист, шамасы, Үлкен Алматы көліне қарай бет алған деп болжануда. Алматы тауларында Австралия азаматын іздеу бойынша құтқару операциясы басталды, деп хабарлайды қалалық ТЖ департаментінің баспасөз қызметіне сілтеме жасаған newsroom.kz. 22 мамырда сағат 21.05 шамасында 1995 жылы туған Австралия азаматы жатақханадағы нөмірінен шығып, Үлкен Алматы көліне қарай бет алған. Күні бүгінге дейін оралмады. Осыған орай құтқарушылар жедел штаб құрып, Іздестіру-құтқару жұмыстарын бастап кетті. ҚР ТЖМ Республикалық жедел-құтқару жасағы-16 құтқарушы, екі техника бірлігі, бір кинологиялық есеп, штабты ұйымдастыру үшін ТЖД үш қызметкері; Алматы қаласы әкімі аппаратының құтқару қызметі-24 құтқарушы, бір дрон, КАМАЗ базасындағы күштер мен құралдарды басқару пункті, үш бірлік құтқару техникасы, бір мотоведеход жұмылдырылды. Сондай-ақ іздеуге ерікті құтқару қызметінің 20 еріктісі қатыспақ. Әр сағат сайын операцияға көбірек еріктілер қосылатын болады.
60 құтқарушы австралиялық туристі іздеуге кірісті
60 құтқарушы австралиялық туристі іздеуге кірісті
