Сарыағашта «Алтын алқа» және «Күміс алқа» иегерлерін марапаттап, бірнеше егіздерді дүниеге әкелген аналар, көпбалалы аналар, мемлекеттік мекемеде қызмет ететін қыз-келіншектер қатысуымен «Әлемнің нұры – әйелдер» атты мерекелік салтанатты іс-шара өтті, деп Newsroom.kz хабарлайды. Аталмыш «Әлемнің нұры – әйелдер» атты мерекелік салтанатты іс-шараға ардагер аналарымыз да «Алтын алқа» және «Күміс алқа» иегерлері, бірнеше егіздерді дүниеге әкелген аналар, көпбалалы аналар, мемлекеттік мекемеде қызмет ететін қыз-келіншектерімен қатар қатысты. Аналарды мерекесімен Сарыағаш ауданының әкімі Арман Абдуллаев құттықтап, нәзік жандылардың қоғамдағы маңызды рөлін ерекше атап өтті. «Әлемнің нұры – әйелдер» атты мерекелік салтанатты іс-шара барысында аудан әкімі алтын құрсақты аналарға Қазақстан Республикасы Президентінің Жарлығымен «Алтын алқа» және «Күміс алқа» мемлекеттік төсбелгілерін табыстады. Содан соң аудан әкімі ауданның дамуына елеулі үлес қосқан ардақты әжелеріміз бен қыз-келіншектерді мерекемен құттықтап, алғысхаттар мен бағалы сыйлықтар табыстады. Сонымен қатар аудан әкімі, аудан әкімінің орынбасарлары, қала, ауыл округ әкімдері, дербес бөлім және аудан әкімі аппараты бөлімшелерінің басшылары хормен «Ана туралы жыр» әнін орындап, жиналған аналар мен қыз-келіншектерге гүл шоқтарын табыстап, көтеріңкі көңіл-күй сыйлады. Айта кетейік, Түркістан облысының жұмыспен қамтуды үйлестіру және әлеуметтік бағдарламалар басқармасы хабарлағандай Түркістан облысындағы көпбалалы аналарға 8 наурыз - халықаралық әйелдер мерекесіне орай жергілікті бюджет есебінен бір реттік жәрдемақы төленген болатын. Сонымен қатар, Бәйдібек, Қазығұрт, Ордабасы, Сайрам, Сарыағаш, Түлкібас, Шардара аудандары мен Түркістан, Кентау, Арыс қалаларында тұратын 58 323 көпбалалы анаға жергілікті бюджеттің мүмкіндігіне қарай 2-3 айлық есептік көрсеткіш есебінде біржолғы қаржылай көмек көрсетілген.
«Түркістан облысында 176 735 көпбалалы ана бар. Оның ішінде 15076 ана "Алтын алқа" алқасымен, 43247 ана "Күміс алқа" алқасымен марапатталған. Сонымен қатар "Ана Даңқы" орденімен 3847, «Батыр ана» орденімен 2528 және төрт және одан да көп баласы бар 112037 ана тіркелген»