"Қазақстан Республикасындағы мерекелер туралы" заңына сәйкес, мерекелер ұлттық және мемлекеттік болып бөлінеді. Алайда еңбек нарығында кез келген компания жұмыс күші қажет болған жағдайда мереке күніне немесе демалысқа қарамастан қоластындағыларды жұмысқа тартуы мүмкін. Осыған орай, бүгін сенаторлар Еңбек кодексіне түзету енгізді. Оған сәйкес жұмыс берушілер қызметкерлерді тек олардың келісімімен ғана жұмыс істеуге шақыра алады, деп Newsroom.kz хабарлайды Zakon.kz-ке сілтеме жасап.
Еңбек және халықты әлеуметтік қорғау министрі Тамара Дүйсенованың айтуынша, жұмыс берушілер қызметкерлерді олардың келісімінсіз жұмыс істеуге тарта алмайды.
"Егер жұмыс беруші сізді мереке күндері немесе жұмыс күнінен кейін жұмысқа тартса, мұның бәрі қызметкердің келісімімен болады. Егер сіз келіссеңіз, онда сіз жұмысқа барасыз. Егер шыққыңыз келмесе, онда сіз шығуға келіспейтіндігіңізді жаза аласыз, себебі бұл демалыс. Немесе сіз алты сағаттан кейін қала алмайсыз. Денсаулық сақтау жүйесіндегі орын алған төтенше жағдайлардан бөлек. Жұмыс беруші әдеттегідей жұмысқа шығу туралы хабарлама ұсынады. Ал сіз оның хабарламасына шыға алмайтыныңызды жаза аласыз"-деді Тамара Дүйсенова.
Фото: 9111.ru