Биыл қаңтарда көтерме сауда көлемі 2,5 трлн теңгеге жетті, 2022 жылдың қаңтарымен салыстырғанда ақшалай түрде үштен бірге көбейген, деп Newsroom.kz хабарлайды Ranking.kz дереккөздеріне сүйене отырып.
Физикалық көлемнің нақты өсімі 18,8%-ды құрады. ҚР-дағы ішкі сауданың жалпы көлеміндегі көтерме сауданың үлесі бір жылда 72,2%-дан 70,4%-ға дейін төмендеді.
Жалпы, 2022 жылғы қаңтар–желтоқсанда көтерме сауда көлемі 34,9 трлн теңгені құрады, бұл 2021 жылғы қаңтар–желтоқсанмен салыстырғанда ақшалай түрде 12,2% көп (нақты өсім — 6,3%*). Ішкі сауданың жалпы көлеміндегі көтерме сауданың үлесі 69,4%-дан 68,9%-ға дейін төмендеді.
Өңірлер бойынша ҚР-дағы көтерме сауда көлемінің төрттен үші тек үш өңірге тиесілі. 2023 жылдың қаңтарында көтерме сауда ең көп ең ірі мегаполис Алматыда тіркелді: 1 трлн теңгеден сәл астам (бір жылда нақты өсім — 0,3%). Одан кейін Атырау облысы (466,9 млрд теңге, нақты мәнде 11% азайған) және Астана (368,5 млрд теңге, 48,3% көбейген). Қарағанды облысында да көрсеткіш аз емес: 130,6 млрд теңге, 59,6% көбейген.
Көтерме сауда ең аз Ұлытау (5,9 млрд теңге, 45,6% көбейген) және Түркістан (7,8 млрд теңге, 9,8% көбейген) облыстарына тиесілі.
Көтерме сауда құрылымында азық-түлік емес тауарлар дәстүрлі түрде жетекші орында болды: 2023 жылғы қаңтарда оның көлемі 2,1 трлн теңге — 2022 жылғы қаңтармен салыстырғанда ақшалай түрде 38% көп (нақты мәнде — 28,7% артық). Азық-түлік тауарлары 449,2 млрд теңгені құрады, бұл 2022 жылғы қаңтармен салыстырғанда 15,8% көп (нақты мәнде — 1,2% төмендеді).
Көтерме сауданың барлығы дерлік сауда кәсіпорындары мен ұйымдары арқылы сатылды: мысалы, 2023 жылғы қаңтарда олардың үлесі 2,4 трлн теңгеден астам болды — 2022 жылғы қаңтармен салыстырғанда ақшалай түрде 30,9% көп (нақты көлемнің нақты өсімі — 16,5%).
Базарлар мен жеке кәсіпкерлер арқылы сатылған тауар 3,2 есе көбейгенімен, бар болғаны 80 млрд теңгені құрады (нақты өсім — 2,9 есе).
Фото: Abai.kz