2022 жылдың үш тоқсанының қорытындысы бойынша, шығындар туралы егжей-тегжейлі ақпаратты Қазақстан Республикасының 21 ЕДБ-нің 11-і, оның ішінде меншікті капиталы бойынша 9 жетекші банк ұсынды, деп Newsroom.kz хабарлайды Ranking.kz дереккөздеріне сүйене отырыр.
2022 жылдың қаңтар–қыркүйек айларындағы ең үлкен жарнамалық бюджетті елдегі ең ірі банк Halyk Bank игерді: 2,55 млрд теңге. Jusan Bank аз ғана артта қалды: 2,53 млрд теңге.
Тағы төрт ЕДБ жарнамаға миллиард теңгеден астам қаржы жұмсаған. Kaspi Bank және Хоум Кредит Банкі жарнамалық шығындары тиісінше 1,24 млрд және 1,23 млрд теңгеге жетті. Bank RBK-ның 2022 жылдың қаңтар–қыркүйек айларында осы мақсаттағы шығыны 1,14 млрд теңгені, ForteBank шығыны 1,05 млрд теңгені құрады.
Halyk Bank жарнамалық шығыны 2021 жылдың қаңтар–қыркүйек айларымен салыстырғанда 16,3%-ға өссе, Jusan Bank бірден 2,5 есе өсті.
Жарнамалық шығындары бір миллиард теңгеден асатын банктердің ішінде ең көпжылдық өсімді Bank RBK көрсетті: бірден 7 есе. Kaspi Bank-тің жарнамалық шығыны 19,1% өссе, Хоум Кредит Банкінің шығыны 16,4% өсті. ForteBank-тің жарнамалық шығыны бірден 20,2% қысқарды.
Меншікті капиталы бойынша ірі банктердің қатарында Bereke Bank те жарнамалық шығынын қысқартты, бірақ, бір қызығы, бар болғаны 0,3% ғана қысқарды.
2022 жылдың қаңтар–қыркүйек айларында банктің барлық операциялық шығындарынан жарнамалық шығындардың ең көп үлесін Jusan Bank (8,5%) құрады, ал бір жыл бұрын бұл көрсеткіш айтарлықтай төмен (3,8%) болды. Екінші орында Bank RBK: мұнда жарнамаға жұмсалған шығындардың үлесі бір жыл ішінде 1,4%-дан 6,4%-ға дейін өсті.
Айта кету керек, Halyk Bank-те операциялық қызмет бойынша барлық шығындардың ішінде жарнама шығыны небәрі 1,7%, Kaspi Bank-те 1,3%.
Ескерту: материалда «Kaspi Bank» АҚ есебінің мәліметтері пайдаланылады. «Kaspi.kz» АҚ есебі мәліметтері пайдаланылмайды. «Kaspi.kz» АҚ есебінде Kaspi.kz тобы, оның еншілес компанияларының мәліметтері келтірілген. «Kaspi.kz» АҚ есебінде көрсетілген сату мен маркетинг шығындары 19,39 млрд теңге, алайда топ банк қызметін ғана қамтымайды, marketplace platform және fintech platform қызметтерін де қамтиды. Сонымен қатар, есепте топтың ҚР-дағы да, Украина мен Әзірбайжандағы да активтерінің мәліметтері келтірілген.
Фото: liter.kz