Екібастұзда жылу электр орталығындағы бірнеше қазандық жұмысы тоқтап, қалаға жылу берілмей қалды, деп newsroom.kz хабарлайды exk.kz дереккөздеріне сүйене отырып.
Оқыс жағдай 27 қарашада сағат 01:30-да кезінде болып, №11 қазанагрегат жұмысы тоқтап қалған. Соңынан желілік судың көп шығындалуына байланысты №13, 14, 15 қазандық агрегаттары жұмыс істемей қалғаны белгілі болды.
"№8 және №14 қазанагрегаттары іске қосу жұмыстары жүргізіліп жатыр. Жақын арада параметрлері қалпына келтіріледі. Қала, облыс, "Павлодарэнерго" АҚ жағдайды тұрақтандыру үшін барлық қажетті қолдау көрсетіп жатыр", — деді "Екібастұзжылуэнерго" өкілі.
Ауа райы болжамы бойынша бүгін түнде өңір бойынша 31 градусқа дейін суық болады. Қала тұрғындары болса осы жайтқа алаңдаулы.
Фото: exk.kz