Түркістан қаласында алғаш рет «GASTRO FEST TURKISTAN - 2022» атты ауқымды гастрономиялық фестиваль басталды, деп newsroom.kz хабарлайды.
Шараның негізгі мақсаты - қазақтың ұлттық тағамдарын насихаттау, туристер үшін еліміздің қонақжайлығын көрсету. Аталған іс-шараны, Түркістан облысының Туризм басқармасына қарасты «Open Turkistan» туристік ақпараттық орталығы ұйымдастырып отыр.
Фестиваль аясында қаланың үздік мейрамханалары мен дәмханалары ұлттық тағамдар мен стрит-фуд дәмділерін әзірлемек. Сағат 16:00-де марапаттау рәсімі өтеді деп жоспарлануда.
Ұлттық тағамдарды ұлықтаған шара концерттік бағдарламалар мен қызықты ойындарға ұласпақ. Шара аясында жылдам тамақтану бойынша конкурстар, жергілікті аспаздардың шеберлік сыныптары және тағы басқа думанды іс-шаралар өтеді.
Думанды шара кешкі 20:00-ге дейін жалғасады.
Фото: Түркістан облысының Өңірлік коммуникациялар қызметі