ТЖМ министрі кісі құтқарамын деп қайтыс болды

РФ ТЖМ басшысы Евгений Зиничев 56 жасында Норильскідегі жаттығу кезінде қайтыс болды, деп хабарлады "Коммерсант"ақпарат көзі. Ақпаратты ТЖМ растаған. "Норильск қаласында арктикалық аймақтағы төтенше жағдайлардан қорғау жөніндегі ведомствоаралық жаттығуларда қызметтік борышын орындау кезінде ТЖМ басшысы Евгений Зиничев қайғылы жағдайда қаза тапқанын өкінішпен хабарлаймыз",— делінген хабарламада. РБК дереккөзге сілтеме жасай отырып, Зиничев мырзаның ведомстволық түсірілім кезінде қайтыс болғанын, түсірілім тобының қызметкері жартастың шетіне түсіп кеткенін хабарлаған. Басылым сұхбаттасушысының айтуынша, түсірілім тобының қызметкері де қайтыс болған. RT бас редакторы Маргарита Симонян Евгений Зиничевтің оператормен бірге жар шетінде тұрғанын айтты. "Оператор тайып, суға түсіп кетті. <...> Зиничев құлаған адамның артынан суға секіріп, шығыңқы тасқа құлады",-деп жазды ол өзінің Telegram каналында. РЕН ТВ мәліметтері бойынша, қайтыс болған оператордың аты-жөні – Александр Мельник.