Ауғанстан Ислам Әмірлігінің баспасөз хатшысы Забихуллох Муджахид Өзбекстан Республикасының Тәуелсіздік күніне байланысты Өзбекстан Сыртқы істер министрлігіне құттықтау хатын жолдады. Бұл туралы xabar.uz сілтеме жасаған newsroom.kz порталы жазады. Құттықтауда: «Көрші достас Өзбекстанның Үкіметі мен халқын Тәуелсіздіктің 30 жылдығына байланысты құттықтаймыз және шын жүректен ақ тілектерімізді білдіреміз. Алла Тағаладан Өзбекстан халқы мен Үкіметінің ар-намысы мен жоғары қадір-қасиетін қорғауды сұраймыз. Өзбекстан мен Ауғанстан халықтарын тату көршілік қарым-қатынас қана емес, екі елдің одан әрі жақындасуына ықпал ететін діни, мәдени және рухани құндылықтардың ортақтығы біріктіреді. Өзбекстанмен бейбітшілік пен тыныштық жағдайында, сондай-ақ достық пен тату көршілік қарым-қатынас рухында дәстүрлі өзара тиімді ынтымақтастықтың жалғасатынына сенім білдіреміз»,- делінген.
Ауған Ислам Әмірлігінің баспасөз хатшысы Өзбекстанды құттықтады
Ауған Ислам Әмірлігінің баспасөз хатшысы Өзбекстанды құттықтады
