Түркістан облысындағы Сайрам және Төле би аудандарында шектеу шаралары күшейтілді.
«Ашық» қосымшасына тіркелген нысандар ғана қызмет көрсете алады. Бұл тек қоғамдық тамақтану орындарына қатысты емес, сауда үйлері мен туристік базалар да талапты сақтауы тиіс. Шымкентпен шектесетін қос ауданда коронавирус инфекциясын жұқтырғандардың көбейгені байқалады. Түркістан облысы республика бойынша «қызыл аймаққа» кірмеген жалғыз өңір.
Дегенмен, соңғы екі аптада COVID-19 жұқтыру дерегі 2 жарым есеге артып отыр. Дәрігерлердің айтуынша, коронавирус инфекциясы күн сайын орта есеппен 100 адамнан анықталады.
