12 жастағы бала ең жас гроссмейстер атанды

Америкалық Абхиманью Мишра 12 жасында гроссмейстер атағына ие болды. Ол ресейлік шахматшы Сергей Карякиннің рекордын жаңартты, деп хабарлайды  Newsroom +ақпарат агенттігі CNN-ге сілтеме жасап. АҚШ-тың Нью-Джерси штатының тумасы Абхиманю Мишра Эло рейтингісі бойынша 2500 ұпай жинап, титулға қол жеткізу үшін үшінші норманы орындағаннан кейін гроссмейстер ретінде танылды. Мишра шешуші сайыста үндістандық Леон Мендоканы жеңген. Ол шахматтағы ең жоғарғы лауазымға 12 жаста, төрт ай, 25 күнде ие болды. Бұған дейінгі рекорд шахматшы Сергей Карякинге тиесілі еді, ол 2002 жылы 12 жас жеті айында гроссмейстер атанған. 2009 жылы дүниеге келген Мишра жеті жасында АҚШ шахмат федерациясының сарапшысы болды, тоғыз жасында ең жас ұлттық шебер, ал 10 жасында халықаралық шебер атағын алған.